情人節哂命blog 之高度表揚大王

昨天情人節，一如既往，大王下廚煮飯，費事出去俾人呃錢。
順便試下我們的新焗爐!
為了令大王煮得稱心，我專程去買了一些靚碟俾佢用!
大王都大感滿意! 




公司昨天放假，今天才正式啟市。
今早收到大王送來的鮮花，今次真係俾佢冧到我暈了!!!!
我第一次在公司收花又一次收咁大束花。
好開心好驚喜! 直情成個人開心到飛左上天! 
大王，你呢舖玩得好大!
多謝你! 我好開心!!!

弊啦, 得返8個月!

我終於搬返屋企了..... 好開心! 唔駛再在我大哥家訓廳!
雖然屋企好多野未執，但還是屋企舒服!
屋企細細，但經過這次大執後，令我好有家的感覺呀! 

我會努力執好DIY 用品的!!!!!!!!! 嘩R!!!!!!!!!!!!!!!!!!!!!!!!!!!

入正題............ 眨下眼，
倒數8個月時間，除左驚之外都唔知做咩好..............
連大王ZONE DEE 團團長都追問我開始了搞婚禮的事時，
我真係好驚........ 好多野我都未諗未度，度左的又未開始做。

HEA 太耐了，要重拾個團火實在好有難度的。
正所謂船到橋頭自然直，好在大王的Zone Dee 和我的姊妹團團長的都是盡責的。
有他們幫忙我放心!  (開始將責任推俾人....... XD)

Anyway ，我讀緊的Design Course 終於去到最後做Final Project了!
無論如何，我都要順利畢業! 
{{{5月要交，亦意味著我5月後才會開始正式搞婚禮的事! (哈...) }}}
唔好話我懶，我下星期二約左伴娘我和去CONFIRM BIG DAY 衫的! XD
都唔算好遲! 
歡迎大家「鼓勵」我


***** 又到講大王壞話的時間了! ******
條粉腸之前叫我整張SAVE THE DATE 俾佢派，
佢係想新年時派俾D PROF. 叫人度度期來參加婚禮的。
咁我以為都是10張貨仔! 一路都拖緊未做..........
頂，點知我尋日上WeddingChicks 求其generate 左一張出黎，
之後係公司印完就OK!
佢話我知佢要50張!  50 張!!!!!!!!!!!!!!!!!!!!!!!!!!!!!!!!!!!!!!!!!!!!
50張咁多想點? 佢話佢要周圍派........
搞到我等過年的心情又再次緊張起來了.... 激死!

淘寶樂之訂造布窗簾 & 家品

仍然Keep住寫有關家品的BLOG, 唔講可能以為我已入了c9 行列!

今次是訂了布簾一大幅:


我訂了4.2 X 2米的 (分開兩片)，RMB180
我想應該是抵到爆的價錢了!
雖然我.... 非常後悔沒有選最有田園風的布款..... (唔捨得D 錢.....)
但這個款我都覺得不錯的，但手感當然比較硬，是一般的帆布。
我想買貴一點的布會是較為軟身的。

實物圖:



 Close Up 圖，沒有TAOBAO相片中那麼細緻的印花，但不近看都看不出的。

由下單到發貨都是4天時間左右，而且店主都算是有問必答。
我同事搭單買了紗簾，RMB110!
質料很好，雖然他忘了加鉛線，但很快退回了錢給我呢!
不用我又SEND 相又呢樣個樣!

TAOBAO 店: 配飾工程師


另外，買了路軌 已經買了價錢中上的路軌回來....!
有一些很平，唔敢博!
2米: RMB 66
等我未來62 幫我裝上去就OK!






最後是家品網，我和同事一向都有買TAOBAO家品，因為真的平香港很多。
我們之前一直試買不同的家品網，良莠不齊... 很陰公。
今次這間算是很OK!

以下這些大部份都是大王說要買的家品!
我買了拖鞋，盒ONLY!
(拖鞋很好著，同事也一人買了一對，大獲好評! - RMB 7.5 一對那種彩虹條紋款
我最鐘意佢有鞋底的，沒鞋底的，入廁所前少少濕也要換鞋 )


這個好無聊，是大王說要買的......................................................
是用來貼在廁所板做裝飾



TAOBAO 網: 大哥要啥

淘寶樂之百葉窗簾 (2) 收貨篇

上回講到我訂左百葉窗簾:

我星期六終於去拎貨了! (用了順豐到付) 
質素好好，包裝給力。用了兩個紙皮箱包裝。
而且用竹片做實在不錯，比木做好! 
另外，原來都不算很重，早知寄去公司再拎回家郵費仲平XD
***這間寄中國去包郵的，大家可先寄到集運再來香港，
肯定更划算!! *** 
不過提提大家，賣家是沒有送釘/螺絲的。
我自己又忘了要問他....... 你們買的時候記得問他加少少錢配螺絲呢!
(應該他會有得配吧!)
我現在要去五金舖配相應的釘/螺絲才行呢!

****淘寶店名: 永樂家紡
下面相片也有LINK 看!

實物圖:
感謝姊妹團團長KKMA 幫我拎住影相，又拎住俾我搞左一輪!
下次請你食手!

淘寶樂之百葉窗簾 (1)

我和大王都鐘情木製百葉簾的，吃飯檯那邊有個窗，
我打算裝個百葉簾，大王都讚好!  

Ikea 睇過，我們要的尺寸要$400 左右..............
向偉大的淘寶進發吧!
精明c9 眼的我，都格了三間的價錢才拍版俾錢。
因為在TAOBAO 這種簾的價錢都相差很遠的。

最後，俾我搵到以上這間:





最吸引我的地方是這間店可以改用竹製的! 輕身一點，薄一點。
大王都說竹比木更好呢!

但竹做的白色已斷貨，最後選了竹本色做。(SP-582)
match我們傢俱的顏色!



好期待! 實在比IKEA 平很多!
我做的尺寸是1米X 1.5米，造價: $170
我不想用集運寄到公司，到時候都不知道怎樣拿回家。
於是用順豐到付直到香港家! 預計運費要:HKD80 左右
連運費加起來比IKEA 買還要平$100!
(如果不直到香港便更平了!)

好期待呢! 賣家今天已寄出了! 收貨再報告報告!

開心大發現之dl Youtube片 & Wedding Songs

Well , 最近在公司無所事事....
加上Mogu家的事，有大王熱情地打點一切，我只是得閒幫佢打下電話問下價錢。
跟佢Order 做事而已! un un腳睇住大王好忙碌....
(好衰tim... 但我要休息和放鬆心情，身體才會好啊!)

-------------------------------------------------------------------------------------------
說回重點!
因為比較得閒，所以我又開始上網SEARCH 下Wedding songs，
都離不開Youtube，酷狗吧!
朋友Send了一首ROCK版的Canon In D 給我，
原本我誓神劈願唔會用Canon In D...
因為實在聽得太多了，而且有很多Classical Songs 也非常適合Wedding 用的!
不只是Canon In D! (遲些出Blog 推介動聽的Classical Songs 給大家)

但她這首ROCK 板實在不得了! 好正呀!
(朋友說這首ROCK 版陪她渡過了高考歲月!)
打算開席時進場用! 原本想用Train 的Only you! 大概我要變心了!
https://www.youtube.com/watch?v=K_4kaI5n3JA&list=PLe6Y38M2PBPyVYASDvRgdfX1CQlzBiq-Q&index=6
開始時仍是慢板，30秒後.... Let's ROCK!!!!!!!!!!!!!!!!!!!!!!!!!!!!!!!!!!!

再給Train的ONLY YOU 給大家參考:
https://www.youtube.com/watch?v=77RIHOLXVyI
如果不想用慢板歌進場可考慮啊! 歌的長度是1:44 剛剛好.... 

-------------------------------------------------------------------------------------
終於真係講重點XD
我知道上網不知道找什麼網可以打website 然後可dl youtube 的片。
但朋友給我的，我都不能成功dl!
心灰意冷之際，我找到了以下的:
http://fastesttube.kwizzu.com/

step 1,
按install , 安裝了。你會發現好像什麼都沒有變....是正常的.
(我當時都以為被騙了...)

step 2
關掉所有browser

step 3,
再開你自己平時用開的browser，開youtube.
你便會發現
多了一個"download" 按鈕在youtube入面! 



可能大家都知道這個方法.... 不過當我成功後，
實在太興奮了，決定要出BLOG!! 

不過美中不足的是，它不可以直接轉成MP3 之類，
只是直接Download MP4。不過都OK 啦，
網上的Free converter 多的是! 隨便找找也有MP4-> MP3 的軟件!

Woohoo! 很開心!

淘晚裝之挑戰性感極限+晚宴衣著分配

我CONFIRM 了租衫的Package都是 1 WG & 1EG 的。
一直都煩惱應該怎樣分配才行，我想晚宴不要為了換衫而周圍走，
自己的婚宴應該自己也可以享受當中的氣氛!

和我的MUA兼伴娘好友S 商量後，她覺得加一件晚裝會較好，
而我又覺得進場不一定要著婚紗，所以決定晚裝進場，
開席後便一套到尾不換衫!

1600- 1830 (1700證婚) 婚紗,在GLASS CHAPEL拍照
1830-2030 迎賓 晚裝(1)
2030-2300 進場+開席+送客 晚裝(2) 

(當我告訴大王這個Planning 後，他說婚紗著了太少時間... 
有時覺得男人沒意見會較好... 哈哈哈)

好友S 說要夠搶眼的晚裝，那麼用晚裝代替婚紗進場便沒問題!
Well, 晚裝(2) 從何來? 當然是偉大的淘寶吧!
我那些咸濕的女同事說我當晚一定要性感。
大王也說可以性感一下，但我覺得都不似我為人，
我平常都是老牛一族，或者普通淨色長裙走天下的......

不過，(又講)一生一次，性感一下都不為過。

看中下面這件，哈哈哈! 對我來說，真的是性感極限!!
但要做運動減那肥臀呢..................
未買的，收藏中..... 但看COMMENT 有香港買過都讚好。
這間店應該OK 吧! 

不要留言" Link, please"
相片有店名，自己動動手SEARCH 下呀!
"天使戀歌"