Moleskine X Milk 團購相簿 - 質素有改善

我上次已經買了團購卷，但一直都未做。
看到HEI HEI 及家收相簿的評價，令我整這本相簿的意欲很低...... 
但買了沒理由浪費，趕緊在Deadline 前落order!
大概7日左右收到相簿!

包裝精美



我的封面。是Pre wedding 時拍的snap shot一張。
好襯"Tie the Knot" ，照片上的戒指真的是大王的求婚戒指.....
我地將佢綁左係個氦氣球上面.... 當時好驚會飛走......


因為之前的評價不太好，我不敢把相片放太大，怕有大粗粒....



整本相簿只有一張被放全頁大。

近一點看，原來粗粒不算太多，色也沒有一層層。
印刷算是可接受呢!
似乎他們比之前有所改善了。



之前團購再有優惠，買了朋友們可以鬆口氣~~
但印刷質素不及Artscow的好，但這個STYLE 我很喜歡!
內頁是類似雜誌紙的紙質!
原來第二次優惠仍未完，大家有興趣可買本玩下:
http://www.groupon.hk/deals/_shopping/Tailor-Made-10-x-8-Photobook/716743503?context=sold-out&treatment=similar-category&bcsp=GwAHBzEzYOKF8Ma2GrDwLw

Confirm Big Day 衫

好耐沒出Blog，亦好耐沒有出有關婚事的Blog!
唔講大家可能以為我已加入太太行列!

我上星期終於做返少少關於婚禮的事了 - Confirm Big Day 衫!
因咩咁早Confirm呢，因為我要約我首席最識俾意見的MUA兼最好朋友和我一起去揀!
有她SAY YES/ NO 我就最放心，
因為她在婚紗店做過MUA，見過唔少晚裝，現在做的公司也有租借婚紗及晚裝，
基本上她一看相就知道件衫CHEAP 唔CHEAP 雞!

她公事繁忙，成日要出TRIP，所以我早D 約佢幫手就最好!
(冇理由要朋友幫，反而要朋友遷就自己的。)
而我不是三心兩意的人，落實了都不會轉!  

經過差不多兩個小時的努力，換衫換到加拿大都出哂汗! (幾驚有臭汗味俾人聞到) 
終於CONFIRM 了1 WG & 2EG
 (YES ，我最後放棄了在TAOBAO 買那魚尾衫，因為租衫的地方都選到滿意的衫)

四個字: 如。釋。重。負!
我上年JOIN 這間婚紗公司，它是新公司，衫不多。
但不知道為什麼我CONFIRM了! 我只是覺得她們的衫很對我口味..... 但JOIN 完又很擔心自己下錯決定!
(癲癲地的.. 我經常很多疑................)

最後，朋友說我選的衫她都大感滿意，衫款不算多選擇，但卻很0岩我STYLE! 
有她這一句，我很有信心呢!

如果鐘情歐美一點的款式，可以看看Amazes Wedding!
老闆Angel 很好人，服務不錯的!
**我自行將它歸類歐美一點的婚紗店，
因為.... 在那裡是不會找到要用鋼紗/非常日系可愛的款!

哈哈哈哈哈，為左保持多些神秘感，
相片做了特效，保留想像空間!
只能說，都很性感的!

情人節哂命blog 之高度表揚大王

昨天情人節，一如既往，大王下廚煮飯，費事出去俾人呃錢。
順便試下我們的新焗爐!
為了令大王煮得稱心，我專程去買了一些靚碟俾佢用!
大王都大感滿意! 




公司昨天放假，今天才正式啟市。
今早收到大王送來的鮮花，今次真係俾佢冧到我暈了!!!!
我第一次在公司收花又一次收咁大束花。
好開心好驚喜! 直情成個人開心到飛左上天! 
大王，你呢舖玩得好大!
多謝你! 我好開心!!!

弊啦, 得返8個月!

我終於搬返屋企了..... 好開心! 唔駛再在我大哥家訓廳!
雖然屋企好多野未執，但還是屋企舒服!
屋企細細，但經過這次大執後，令我好有家的感覺呀! 

我會努力執好DIY 用品的!!!!!!!!! 嘩R!!!!!!!!!!!!!!!!!!!!!!!!!!!

入正題............ 眨下眼，
倒數8個月時間，除左驚之外都唔知做咩好..............
連大王ZONE DEE 團團長都追問我開始了搞婚禮的事時，
我真係好驚........ 好多野我都未諗未度，度左的又未開始做。

HEA 太耐了，要重拾個團火實在好有難度的。
正所謂船到橋頭自然直，好在大王的Zone Dee 和我的姊妹團團長的都是盡責的。
有他們幫忙我放心!  (開始將責任推俾人....... XD)

Anyway ，我讀緊的Design Course 終於去到最後做Final Project了!
無論如何，我都要順利畢業! 
{{{5月要交，亦意味著我5月後才會開始正式搞婚禮的事! (哈...) }}}
唔好話我懶，我下星期二約左伴娘我和去CONFIRM BIG DAY 衫的! XD
都唔算好遲! 
歡迎大家「鼓勵」我


***** 又到講大王壞話的時間了! ******
條粉腸之前叫我整張SAVE THE DATE 俾佢派，
佢係想新年時派俾D PROF. 叫人度度期來參加婚禮的。
咁我以為都是10張貨仔! 一路都拖緊未做..........
頂，點知我尋日上WeddingChicks 求其generate 左一張出黎，
之後係公司印完就OK!
佢話我知佢要50張!  50 張!!!!!!!!!!!!!!!!!!!!!!!!!!!!!!!!!!!!!!!!!!!!
50張咁多想點? 佢話佢要周圍派........
搞到我等過年的心情又再次緊張起來了.... 激死!

淘寶樂之訂造布窗簾 & 家品

仍然Keep住寫有關家品的BLOG, 唔講可能以為我已入了c9 行列!

今次是訂了布簾一大幅:


我訂了4.2 X 2米的 (分開兩片)，RMB180
我想應該是抵到爆的價錢了!
雖然我.... 非常後悔沒有選最有田園風的布款..... (唔捨得D 錢.....)
但這個款我都覺得不錯的，但手感當然比較硬，是一般的帆布。
我想買貴一點的布會是較為軟身的。

實物圖:



 Close Up 圖，沒有TAOBAO相片中那麼細緻的印花，但不近看都看不出的。

由下單到發貨都是4天時間左右，而且店主都算是有問必答。
我同事搭單買了紗簾，RMB110!
質料很好，雖然他忘了加鉛線，但很快退回了錢給我呢!
不用我又SEND 相又呢樣個樣!

TAOBAO 店: 配飾工程師


另外，買了路軌 已經買了價錢中上的路軌回來....!
有一些很平，唔敢博!
2米: RMB 66
等我未來62 幫我裝上去就OK!






最後是家品網，我和同事一向都有買TAOBAO家品，因為真的平香港很多。
我們之前一直試買不同的家品網，良莠不齊... 很陰公。
今次這間算是很OK!

以下這些大部份都是大王說要買的家品!
我買了拖鞋，盒ONLY!
(拖鞋很好著，同事也一人買了一對，大獲好評! - RMB 7.5 一對那種彩虹條紋款
我最鐘意佢有鞋底的，沒鞋底的，入廁所前少少濕也要換鞋 )


這個好無聊，是大王說要買的......................................................
是用來貼在廁所板做裝飾



TAOBAO 網: 大哥要啥

淘寶樂之百葉窗簾 (2) 收貨篇

上回講到我訂左百葉窗簾:

我星期六終於去拎貨了! (用了順豐到付) 
質素好好，包裝給力。用了兩個紙皮箱包裝。
而且用竹片做實在不錯，比木做好! 
另外，原來都不算很重，早知寄去公司再拎回家郵費仲平XD
***這間寄中國去包郵的，大家可先寄到集運再來香港，
肯定更划算!! *** 
不過提提大家，賣家是沒有送釘/螺絲的。
我自己又忘了要問他....... 你們買的時候記得問他加少少錢配螺絲呢!
(應該他會有得配吧!)
我現在要去五金舖配相應的釘/螺絲才行呢!

****淘寶店名: 永樂家紡
下面相片也有LINK 看!

實物圖:
感謝姊妹團團長KKMA 幫我拎住影相，又拎住俾我搞左一輪!
下次請你食手!

淘寶樂之百葉窗簾 (1)

我和大王都鐘情木製百葉簾的，吃飯檯那邊有個窗，
我打算裝個百葉簾，大王都讚好!  

Ikea 睇過，我們要的尺寸要$400 左右..............
向偉大的淘寶進發吧!
精明c9 眼的我，都格了三間的價錢才拍版俾錢。
因為在TAOBAO 這種簾的價錢都相差很遠的。

最後，俾我搵到以上這間:





最吸引我的地方是這間店可以改用竹製的! 輕身一點，薄一點。
大王都說竹比木更好呢!

但竹做的白色已斷貨，最後選了竹本色做。(SP-582)
match我們傢俱的顏色!



好期待! 實在比IKEA 平很多!
我做的尺寸是1米X 1.5米，造價: $170
我不想用集運寄到公司，到時候都不知道怎樣拿回家。
於是用順豐到付直到香港家! 預計運費要:HKD80 左右
連運費加起來比IKEA 買還要平$100!
(如果不直到香港便更平了!)

好期待呢! 賣家今天已寄出了! 收貨再報告報告!