「是我雙眼發光嗎?」 之證婚律師

上星期的婚展有三大任務:

1) 證婚律師

2) 租車

3) 婚前檢查

主要是拎資料為主，我沒有想過要當日CONFIRM什麼的。

 

嘿，首先睇左證婚律師，都不出那幾間，

世紀, 葉謝鄧，壹誓，伊甸園。

睇完哂，大王:「唔駛諗了，壹誓啦! 行返去落訂啦~!」

我:「 下?! 點解? (我其實想再回去睇睇其他律師的，因為律師多的是...)」

大王:「你雙眼發光啦頭先... 」

我心想，我冇wo!

對我來說，證婚律師的要求很簡單，

準時，唔口吃，唔狂大力眨眼，唔大陸口音已經OK!

 

明明雙眼發光的是大王自己!!!! 

壹誓標榜自己的形式與其他的有不同，

是律師帶著新人宣誓，不是看著宣誓牌。

大家可以對望對方，一路帶戒指一路講。

而且那個Sales 拎哂其他對手的單張出黎 -> 呢招份明點中左大王的穴道喇.............

Sales出呢招，大王會覺得呢間好有sense，知道對手不足之處!  

 

返到埋去，Sales 問係咪有野想further 問。

我都仲想扮下野同Sales 講話有東西唔明，想她再解釋先話佢知落訂的。

我都未講，大王已經:「我地落訂呀!」  

Mud 得佢咁心急..............

 

難得大王都有自己主見都好!

即使佢唔認雙眼發光的是自己，要「老屈」我都冇計..

算啦..... 哈哈哈!

 

有時俾D 男人吹脤..............