參加了一個簡單而隆重的婚禮

我又黎放低幾兩先...

星期六參加了朋友的婚禮@跑馬地。
整個婚禮的流程都很impress 我，
非常簡單的Rundown，冇candy corner，冇很多Decoration，
冇成長片段，冇小禮物，新娘子冇換衫SHOW........
只是中間有播same day edit.
(我和上星期一參加的婚宴形成了很大的對比...
上星期一婚禮又播8分鐘成長片，又播錄音，又唱歌...... 好多野搞)

開席後，沒有搞什麼活動，只是兩名新人周圍找朋友傾計，影相。
大家都很開心，席間我和朋友們都可以聊天吹水聚下舊。

對於愈來愈多複雜RUNDOWN 的婚禮，
這個實在令我覺得十分舒服開心，悶嗎?
我完全不覺得悶..... 可以和朋友們傾下計都不知幾開心~~~
又可以親自恭喜新人，有一些婚禮... 真係影相個幾秒同敬酒個幾秒先見到新人幾面.....

我都要效法這簡單而隆重的婚禮才行 :)
原本想做個小型Candy Corner (因為大王問我有冇，話佢的朋友話一定要有.... )
我媽又問我有沒有小禮物...
不過，我還是不做太多了，簡簡單單吧!
最想當日可以和好友分享喜悅而已!

各位為婚禮不同細節而煩惱的JM，不如都停一停，諗一諗吧!
Relax!

DIY Candy Crush 攔門花球

Well, 我很多朋友都中了CANDY CRUSH毒，
我原意不是Candy Crush的，但她幫這攔門花球改名為Candy Crush波......

做法十分十分簡單:
材料:
1) 發泡膠波一個
2) 不同尺寸的毛毛球
3) 絲帶
4) 熱溶膠槍

我做這個攔門花球，是因為我實在有太多毛毛球在家了!


準備大大小小的毛毛球~~
我知有JM 都做這些毛毛球POM POM~
但我建議用尺寸不同的毛毛球MIX 在一起，效果會更好的!


將絲帶用熱溶膠槍痴好在發泡膠上面，如圖:



將毛毛球痴呀痴呀痴呀在發泡膠波上面就大功告成!!!!



其實用同一方法還可以做花球呢!! (在下面加上手柄便可~)
當然也可以加一些自己喜歡的pops 啦，如珍珠等等~~~

送給我自己的嫁妝

女人的購買力很強，我是跟2013 GROUP 的JM一起團買mousse jewellery的。

團買買夠$5000 有8折，大家都買得開心....

而且遠超$5000 這個數....

多謝HEI HEI 呢隻「魔計」令大家認識這間店

多謝Lucinda 幫手做co-ordinate!

 

(至於mousse jewellery呢，大家去yahoo search 會search 到網頁及facebook)

 

去相及文字解說

 

:

 

 

 

 

唔計第一次團買的耳環，戒指, 耳環, 頸鍊, 埋單八折後: 埋單$1070

很抵玩! 乙水下自己開心

 

------------------------------------------

吹水近況區:

最近又少左蒲頭，都係見相熟WOW 友出BLOG 就留下言吹吹水。

因為3月23日呢我的Design Course 就要1st interview for final project。

其中4張poster已經畫好，Scan 了入電腦可以填色.... 

(係... 我唔係好識在電腦畫圖的..... 而校長及阿SIR都話手畫再SCAN入電腦做後期可保留質感..)

但又遇上了Photoshop的技術問題，看似解決了.. 但實際我都唔知......

 

呢幾日唔係好訓得著，因為個腦係到諗緊D POSTER 應該點填色。

D 壓力巴巴聲咁黎緊.......

 

其實諗返都唔知點解自己會去讀的.. 哈哈....  (我唔會轉行...)

但終於來到最後了，上星期校長看到我的畫話好靚個下真係個人飛左上天...

如果... 我能完成的話，作品會在香港大會堂展出。

到時通知大家去睇... 哈.......哈.........

 

花車資料 & 終於CONFIRM 了!

請俾些掌聲大王，花車這個item是由他一人負責。
搜集資料都是由他來做，終於有進展，拍版confirm了!

Well, 我其實對花車沒什麼要求。
原本我想整一架單層城巴就算，一來幾型幾特別，二來3000 有找。
但大王牙痛咁聲，因為他覺得城巴司機都沒有太多做婚禮的經驗，
怕到時一肚氣   而且咁大架巴士，要CHECK 下我們上落的地方能不能泊車都有難度。
到時泊車泊到老蓮咁遠又係玩死自己。

另外，都有諗過用我哥部7人車，但冇司機......
(大王的ZONE DEE 有車牌都架車經驗...... )
如果要由我哥車我出門又好似不太好，因下午他又要趕回家車兩名小朋友出來觀禮。

兩個OPTIONS 都冇得揀，我都放手讓大王決定。
(雖然，我不想在這個ITEM 用太多錢，覺得不值得....)
最後，經大王格價後，覺得阿達LONDON TAXI + 28 座是最抵的。
因為阿達合作的28 座價錢很平，又不會硬性規定8 小時。

** 現在很多店要硬食PACKAGE (主花車+ 28座) OR 硬食28 座8小時。
不知道是因為我年尾結婚的關係還是我太遲BOOK 還是什麼了**

星期六約了阿達去沙田睇車，其實都真係幾靚的。
看相片紅色我覺得很GRAND，現場看就覺得不夠搶眼。
另有桃紅，粉紅，顏色方面我看不出有很大分別XD
但車的外型和內籠有分別的。
內籠方面，我覺得桃紅OK一點。粉紅入面的SOFA 位都是粉紅色的。
對我來說...太過CUTE!


桃紅:


粉紅:



另外，有白色，紫色，水晶紫色的。
。白色內籠沒有被改裝，所以沒有其他車的華麗。
。紫色內籠不過不失，但就被桃紅粉紅新淨。
。水晶紫的座位會較窄，大王坐埋黎有點迫........
。紅色沒看過內籠，因為當時有其他租車的新人在車內

最後，我們決定用桃紅。
肉是赤的.... 我當日會叫攝影影多點相補數補數。


*******************************************
不知道有沒有其他人對城巴有興趣?
以下是他們的EMAIL回覆，給大家參考一下，謝謝！