參加了一個簡單而隆重的婚禮

我又黎放低幾兩先...

星期六參加了朋友的婚禮@跑馬地。
整個婚禮的流程都很impress 我，
非常簡單的Rundown，冇candy corner，冇很多Decoration，
冇成長片段，冇小禮物，新娘子冇換衫SHOW........
只是中間有播same day edit.
(我和上星期一參加的婚宴形成了很大的對比...
上星期一婚禮又播8分鐘成長片，又播錄音，又唱歌...... 好多野搞)

開席後，沒有搞什麼活動，只是兩名新人周圍找朋友傾計，影相。
大家都很開心，席間我和朋友們都可以聊天吹水聚下舊。

對於愈來愈多複雜RUNDOWN 的婚禮，
這個實在令我覺得十分舒服開心，悶嗎?
我完全不覺得悶..... 可以和朋友們傾下計都不知幾開心~~~
又可以親自恭喜新人，有一些婚禮... 真係影相個幾秒同敬酒個幾秒先見到新人幾面.....

我都要效法這簡單而隆重的婚禮才行 :)
原本想做個小型Candy Corner (因為大王問我有冇，話佢的朋友話一定要有.... )
我媽又問我有沒有小禮物...
不過，我還是不做太多了，簡簡單單吧!
最想當日可以和好友分享喜悅而已!

各位為婚禮不同細節而煩惱的JM，不如都停一停，諗一諗吧!
Relax!